Latin Prayers

English: In the name of the Father, and of the Son, and of the Holy Spirit. Amen. The Sign of the Cross professes the Trinity and redemption.

Reference: Traditional

Pater noster, qui es in cælis: sanctificétur nomen tuum; advéniat regnum tuum; fiat volúntas tua, sicut in cælo, et in terra. Panem nostrum cotidiánum da nobis hódie; et dimítte nobis débita nostra, sicut et nos dimíttimus debitóribus nostris; et ne nos indúcas in tentatiónem; sed líbera nos a malo. Amen.

Reference: Mt 6:9–13

Ave María, grátia plena, Dóminus tecum; benedícta tu in muliéribus, et benedíctus fructus ventris tui, Iesus. Sancta María, Mater Dei, ora pro nobis peccatóribus, nunc et in hora mortis nostræ. Amen.

Reference: Lk 1:28, 42

Glória Patri, et Fílio, et Spirítui Sancto. Sicut erat in princípio, et nunc, et semper, et in sǽcula sæculórum. Amen.

Reference: Traditional

Salve, Regína, Mater misericórdiæ; vita, dulcédo et spes nostra, salve. Ad te clamámus, éxsules fílii Hevæ. Ad te suspirámus, geméntes et flentes in hac lacrimárum valle. Eia ergo, Advocáta nostra, illos tuos misericórdes óculos ad nos convérte. Et Iesum, benedíctum fructum ventris tui, nobis post hoc exsílium osténde. O clemens, o pia, o dulcis Virgo María.

Reference: Traditional Marian antiphon

Memoráre, o piíssima Virgo María, non esse audítum a sǽculo, quemquam ad tua curréntem præsídia, tua implorántem auxília, tua peténtem suffrágia, esse derelíctum. Ego tali animátus confidéntia, ad te, Virgo Vírginum, Mater, curro; ad te vénio; coram te gemens peccátor assísto. Noli, Mater Verbi, verba mea despícere, sed audi propítia et exáudi. Amen.

Reference: Attributed to St. Bernard (traditional form)

Angele Dei, qui custos es mei, me tibi commissum pietáte supérna illúmina, custódi, rege et gubérna. Amen.

Reference: Traditional

Réquiem ætérnam dona eis, Dómine, et lux perpétua lúceat eis. Requiéscant in pace. Amen.

Reference: Traditional

Agnus Dei, qui tollis peccáta mundi: miserére nobis. Agnus Dei, qui tollis peccáta mundi: miserére nobis. Agnus Dei, qui tollis peccáta mundi: dona nobis pacem.

Reference: Ordinary of the Mass

Sanctus, Sanctus, Sanctus Dóminus Deus Sábaoth. Pleni sunt cæli et terra glória tua. Hosánna in excélsis. Benedíctus qui venit in nómine Dómini. Hosánna in excélsis.

Reference: Is 6:3; Mt 21:9

Tantum ergo Sacraméntum venerémur cérnui: et antíquum documéntum novo cedat rítui: præstet fides suppleméntum sénsuum deféctui. Genitóri Genitóque laus et iubilátio, salus, honor, virtus quoque sit et benedíctio: procedénti ab utróque compar sit laudátio. Amen.

Reference: St. Thomas Aquinas, Pange Lingua

Veni, Creátor Spíritus, mentes tuórum vísita: imple supérna grátia, quæ tu creásti péctora… Sung at confirmations, ordinations, and councils—invoking the Spirit’s gifts.

Reference: Traditional hymn